роҳбарият

Директори Муассисаи давлатии таълимии «Коллеҷи омӯзгории шаҳри Турсунзода»

Сафарзода Хуршед Ҳайдар 24 феврали соли 1986 дар Ҷумҳурии Тоҷикистон таваллуд шудааст. Миллаташ тоҷик, таҳсилоташ олӣ, соли 2008 Донишгоҳи миллии Тоҷикистонро хатм кардааст, номзади илмҳои филология (2013). Забонҳои русӣ ва англисиро медонад.

Дар вазифаҳои муҳаққиқ-коромӯз ва ассистенти кафедраи забонҳои хориҷии факултети журналистика ва ассистенти кафедраи забони англисии факултети забонҳои Осиё ва Аврупо, муовини декани факултети журналистикаи Донишгоҳи миллии Тоҷикистон, декани факултети азнавтайёркунӣ, такмили ихтисос ва таҷрибаомӯзии хизматчиёни давлатии Донишкадаи идоракунии давлатии назди Президенти Ҷумҳурии Тоҷикистон, сармутахассиси раёсати илму маърифат ва мудири бахши иттилоот ва таҳлили раёсати маориф, фарҳанг ва иттилооти Дастгоҳи иҷроияи Президенти Ҷумҳурии Тоҷикистон кор кардааст.

Бо фармони вазири маориф ва илми Ҷумҳурии Тоҷикистон аз 4 майи соли 2022, №611 ба вазифаи директори Муассисаи давлатии таълимии «Коллеҷи омӯзгории шаҳри Турсунзода » таъин гардид.

Ҷонишини директор оид ба корҳои
таълим
  Ҷураев Шавкат Юсупалиевич

Ҷураев Шавкат 30 июни соли 1971 дар шаҳри Турсунзода таваллуд шудааст.

Соли 1993 Институти давлатии омӯзгории Душанбе ба номи Қ.Ҷӯраевро (Донишгоҳи давлатии омӯзгории Тоҷикистон ба номи Садриддин Айнӣ) хатм кардааст.

Фаъолияти меҳнатиро соли 2001 дар Омӯзишгоҳи омӯзгории шаҳри Турсунзода (Коллеҷи омӯзгории шаҳри Турсунзода) оғоз намуда, то соли 2016 ҳамчун омӯзгори фанни педагогика-психология муассисаи мазкур кор кардааст. Соли 2016 мудири кафедраи фанҳои тахассусӣ ва солҳои 2019-2020ҷонишини директор оид ба корҳои таълим ва аз моҳи августи соли 2020 ҷонишини директор оид ба корҳои таълиму тарбияи Коллеҷи омўзгории шаҳри Турсунзода мебошад.