НАМОИШИ ФИЛМИ «ШИКАСТИ ФИТНА» ДАР КОЛЛЕҶИ ОМӮЗГОРӢ
30 майи соли 2022 дар толори Муассисаи давлатии таълимии «Коллеҷи омўзгории шаҳри Турсунзода» филми мустанади «Шикасти фитна» ба намоиш гузошта шуда, кормандону омўзгорон ва донишҷўёни муассиса аз тамошои он бархурдор гардиданд.
Филми мазкур ҷиҳати ифшои ниятҳои муғризона ва хиёнаткориҳои гурўҳҳои муташаккили ҷиноӣ дар воқеаҳои моҳи майи соли 2022 дар Вилояти Мухтори Кўҳистони Бадахшон рўйи навор омада, ҳадафҳои нопоки саркардагони бетартибиҳо дар минтақа, аз ҷумла хиёнати Алим Шерзамонов, Маҳмадбоқир Маҳмадбоқиров, Улфатхоним Мамадшоева ва Холбашов Холбашро бо факту арқом равшан намудааст.
«Шикасти фитна» далели он аст, ки ҳама гуна хиёнатпешагӣ ба сари инсонҳо бадбахтӣ оварда, ҳаёти рангину осудаи пайвандонашонро талх мегардонад.
Ҳайати кормандону омўзгорони Муассисаи давлатии таълимии «Коллеҷи омўзгории шаҳри Турсунзода» бо тамошои филми «Шикасти фитна» ҳодисаҳои террористиро дар шаҳри Хоруғ ва ноҳияи Рўшон маҳкум намуда, ҷонибдори сулҳу суботи ҳамешагӣ дар ватани азизамон будани худро баён доштанд.