РӮЗИ ДОНИШ ВА ДАРСИ СУЛҲ ДАР КОЛЛЕҶИ ОМӮЗГОРИИ ШАҲРИ ТУРСУНЗОДА
Субҳи 1 сентябри соли 2022 «Рӯзи дониш» дар саҳни Коллеҷи омӯзгории шаҳри Турсунзода бо иштироки роҳбарият, ҳайати устодону кормандон, донишҷӯён ва меҳмонон бо тантана таҷлил карда шуд.
Дар чорабинии мазкур директори муассиса Сафарзода Хуршед ва намояндаи мақомоти иҷроияи маҳаллии ҳокимияти давлатӣ Ҳабибуллозода Нурулло суханронӣ намуда, ҳозиринро аз номи маъмурият ва Раиси шаҳри Турсунзода табрику таҳният гуфтанд.
Зимни суханрониҳо таъкид карда шуд, ки Муассисаи давлатии таълимии «Коллеҷи омӯзгории шаҳри Турсунзода» ягона муассисаи таҳсилоти миёнаи касбии омўзгорӣ дар шаҳри Турсунзода буда, дар тарбияи кадрҳои ихтисосманди соҳаи омӯзгорӣ ва бартараф гардидани мушкилоти норасоии омӯзгорони ихтисосманд нақши назаррас дорад.
Мавриди зикр аст, ки дар пайи ҷамъомади мазкур ҳайати омӯзгорону донишҷўён дар толорҳои алоҳида раванди «Дарси сулҳ»-ро тавассути шабакаҳои телевизионӣ дастаҷамъона тамошо карданд.
