РӮЗИ ДОНИШ БО ДАРСИ СУЛҲ ОҒОЗ ШУД
Тибқи дастури Вазорати маориф ва илми Ҷумҳурии Тоҷикистон 1 сентябри соли 2023 ҳайати устодон ва донишҷӯёни Коллеҷи омӯзгории шаҳри Турсунзода соли нави таҳсил ва Рӯзи донишро бо тамошои дастаҷамъонаи «Дарси сулҳ» оғоз намуданд.
Дар ин замина директори муассиса Сафарзода Хуршед зимни табрикоти идона иброз дошт, ки дар руҳияи ватандӯстӣ тарбият намудани насли ҷавону наврас, ба ҳифзу посдории сулҳу субот, арҷгузории муқаддасот ва ваҳдати миллӣ ҳидоят намудани онҳо муҳимтарин ҷузъи рисолати касбии омӯзгорон мебошад.
Дар поёни чорабинии бахшида ба «Рӯзи дониш ва Дарси сулҳ» дар мавзӯи гиромидошти сулҳу ваҳдат ва арзишҳои миллӣ маҳфили адабӣ доир карда шуд.
