« РӮЗИ УСТОД РӮДАКӢ » ДАР КОЛЛЕҶИ ОМӮЗГОРӢ
22 сентябри соли 2023 дар толори фарҳангии Коллеҷи омӯзгорӣ бо ташаббуси Бахши тарбия ва кор бо ҷавонони муассиса бахшида ба «Рӯзи устод Рӯдакӣ» маҳфили адабӣ-фарҳангӣ таҳти унвони «Ёде аз рӯзгори сардафтари адабиёти тоҷик Абуабдуллоҳи Рӯдакӣ» баргузор карда шуд.
Дар ҳамоиши мазкур ҷамъи устодону донишҷўён дар робита ба ҳаёт ва осори адабии устод Рӯдакӣ суханронӣ намуда, аз ашъори гаронбаҳои ӯ шеърҳо қироат намуданд.
Декани факултети омӯзгорӣ, номзади илмҳои педагогика Сатторова Ҳидоятхон зимни суханронӣ таъкид намуд, ки «Одамушшуъаро устод Абўабдуллоҳ Ҷаъфар ибни Муҳаммади Рӯдакӣ падари шеъри форсӣ ва поягузори адабиёти классики форсу тоҷик, ҳамчунин аз асосгузорони адабиёти Шарқ буда, таъсири ашъори ӯ дар эҷодиёти шоирони замонаш ва ҳатто дар доираҳои адабии замони мо эҳсос мегардад». Устод Рӯдакӣ дар тӯли зиндагии худ мероси бузурги адабӣ боқӣ гузошта, яке аз шоирони пуркору сермаҳсултарини замонаш будааст.
Шеъри зерин ба қалами ӯ тааллуқ дорад: «Замона панде озодвор дод маро, Замона чу наку бингарӣ, ҳама панд аст. Ба рӯзи неки касон, гуфт, ғам махӯр, зинҳор, Басо касо, ки ба рӯзи ту орзуманд аст».