БАРГУЗОРИИ ДАВРИ СЕЮМИ ИЛОВАГИИ БАҚАЙДГИРӢ БАРОИ ИМД-2023 ДАР КОЛЛЕҶ
10-11 октябри соли 2023 дар Муассисаи давлатии таълимии «Коллеҷи омӯзгории шаҳри Турсунзода» даври сеюми иловагии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2023 (ИМД-2023) доир гардид.
Дар ин давраи бақайдгирӣ дар баробари ихтисосҳои Коллеҷи омӯзгории шаҳри Турсунзода ихтисосҳои дорои ҷойҳои холӣ ва ихтисосҳои нав аз Донишгоҳи миллии Тоҷикистон ва як қатор муассисаҳои таҳсилоти миёнаи касбии давлатию ғайридавлатии дигар низ пешниҳод карда шудаанд.
Таърихи баргузории даври сеюми иловагии имтиҳонҳо барои довталабони номнависшаванда баъд аз таҳлили раванди бақайдгирӣ муқаррар мегардад. Дар ин хусус Маркази миллии тестии назди Президенти Ҷумҳурии Тоҷикистон ба АМИТ «Ховар» хабар додааст.
Бо назардошти маҳдудият дар интихоби муассисаҳои таълимӣ ва имконияти Маркази миллии тестӣ нуқтаҳо барои даври сеюми иловагии бақайдгирии довталабон дар шаҳру ноҳияҳои Душанбе, Турсунзода, Бохтар, Норак ва Бобоҷон Ғафуров ташкил гардидаанд.