27 марти соли 2023 зимни ҷаласаи корӣ декани факултети фанҳои гуманитарӣ Абдаминова Фирӯза ва мудири кафедраи забонҳои Коллеҷи омӯзгории шаҳри Турсунзода Бобоева Дилафрӯз бахшида ба Иди байналмиллалии Наврӯз бо нишони сарисинагии «Аълочии маориф ва илми Тоҷикистон» қадрдонӣ гардиданд.
4 марти соли 2023 дар Муассисаи давлатии таълимии «Коллеҷи омӯзгории шаҳри Турсунзода» бо иштироки Сардори раёсати таҳсилоти ибтидоӣ ва миёнаи касбии Вазорати маориф ва илми Ҷумҳурии Тоҷикистон Ализода Довуд, раиси Шӯрои директорони муассисаҳои таҳсилоти миёнаи касбӣ Ғафурӣ Зоиршо ва директори китобхонаҳои системаҳои марказонидашудаи шаҳри Турсунзода Саидова Гавҳар китобхонаи илмӣ-адабӣ ва синфхонаи компютерӣ мавриди истифода қарор дода шуд.
9 декабр аз ҷониби Маҷмааи Умумии Созмони Миллали Муттаҳид ҳамчун Рӯзи байналмиллалии мубориза бо коррупсия эълон гардидааст. Ба ин муносибат 7 декабри соли 2022 дар Муассисаи давлатии таълимии «Коллеҷи омӯзгории шаҳри Турсунзода» семинари омӯзишӣ дар мавзӯи «Коррупсия – зуҳуроти номатлуби ҷомеа» бо иштироки намояндагони шуъбаи минтақавии Агентии назорати давлатии молиявӣ ва мубориза бо коррусияи Ҷумҳурии Тоҷикистон дар шаҳру ноҳияҳои водии Ҳисор баргузор гардид.
Дар асоси супориши Мақомоти иҷроияи ҳокимияти давлатии шаҳри Турсунзода ҷиҳати ободу зебо гардонидани кучаҳои шаҳр 29 сентябри соли 2022 шанбегии умумишаҳрӣ гузаронида шуд, ки дар он омӯзгорону донишҷӯёни Коллеҷи омӯзгории шаҳри Турсунзода низ ширкат намуданд.
22 сентябри соли 2022 дар Коллеҷи омӯзгории шаҳри Турсунзода вохӯрии намояндагони Мақомоти иҷроияи ҳокимияти давлатии шаҳри Турсунзода бо ҳайати устодон ва донишҷӯёни муассисаи таълимӣ баргузор гардид. Чорабинии мазкур дар доираи нақшаи кории мақомоти мазкур сурат гирифта, дар он Зиёев Зиёратшо, мудири бахши рушди иҷтимоӣ ва робита бо ҷомеа, Уракова Хуршедабону, мудири бахши кор бо занон ва оила, Ҳалимзода Умед, мудири бахши кор бо ҷавонон ва варзиш ва Азимова Лубатой, котиби Комиссияи валотдор оид ба ҳуқуқи кӯдак иштирок ва суханронӣ намуданд.
